తెలుగు సామెతలు - చ , చా , చి , చీ , చు , చూ , చె , చే , చై , చొ , చో , చౌ మరియు ఛీ
* చంకకు ఎక్కిన పిల్ల చచ్చినా దిగదు.
* చంకజోలి చిల్లి పోలేదు, చందలూరు కాలిపోలేదు.
* చంక దుడ్డుకు దండం అన్నట్లు.
* చంకదుడ్డు శరణార్ధి.
* చంకన పిల్ల కడుపులో పిల్ల.
* చంకలోతుకు దిగిన వానికి చలి ఏమి?
* చంకలో పిల్లనుంచుకొని, ఊరంతా గాలించినట్లు.
* చంకలో పిల్లనుంచుకొని, సంతలో వెదకినట్లు.
* చంకలో పిల్లను పట్టుకొని, లంకలన్ని వెదకినట్లు.
* చంటిలో ఎముకలు ఏరినట్లు.
* చండామార్కుల విద్య చేతులు కావు కాళ్ళు.
* చందమామకు తోకవచి, 'ఈ' కు ఇఱకాటమైనట్లు.
* చంద్ర పరివేషము, వర్షయోగము.
* చంద్రుడు క్రుంకిన వెన్నెల నిలుచునా?
* చంద్రుని చూచి కుక్కలు మొరిగినట్లు.
* చంద్రునికి ఒక నూలుపోగు.
* చంద్రునిలో కందు వెన్నెలలో గలదా?
* చక్కగా కూకోరా చాకలి నాయడా ! అంటే, విన్నవటోయ్ ఈడిగనాయడా ! మంగలి నాయడి సరసం అన్నాడట.
* చక్కదనానికి లొట్టపిట్ట, సంగీతానికి గాడిద.
* చక్కనమ్మ చిక్కినా చక్కనే (అందమే).
* చక్కని రాజమార్గముండగ సందుల దూరనేల?
* చక్కనివాళ్ళు చిక్కినా బాగుంటారు, సన్నచీర మాసినా బాగుంటుంది.
* చక్కిలాన్ని చూసి జంతిక నవ్విందట.
* చక్కిలాలు తింటావా? చల్ది తింటావా? అంటే, చక్కిలాలూ తింటాను, చల్ది తింటాను, అయ్యతోగూడా అవతల అన్నమూ తింటాను అన్నదిట.
* చక్కెర తిని చేదు అన్నట్లు.
* చక్కెర తిను నోరు చవిగొనునే చేదు.
* చక్కెర పందిట్లో తేనెవాన కురిసినట్లు.
* చక్కెర పూసిన విషమువలె.
* చక్కెర తిన్న నోటితో తవుడు బొక్కినట్లు.
* చక్రవర్తి చేస్తే శృంగారం, చాకలి చేస్తే వ్యభిచారం.
* చచ్చిన ఆవుమీద చెప్పు లుంచినట్లు.
* చచ్చిన గొడ్డుకు బొరవలు, పుండుకు ఈగలు కనిపెట్టుకు ఉంటవి.
* చచ్చిన చారమేకపాలు, పోయిన బోసిముంతెడు.
* చచ్చిన తరవాత తెలుస్తుంది (బయటపడుతుంది) సెట్టి భండారం.
* చచ్చినదాని పిల్లలు వచ్చినదాని కాళ్ళకింద.
* చచ్చినట్టు కలవచ్చినా మేలుకోక తప్పదు.
* చచ్చిననాటి దుఃఖం మరునాడు ఉంటుందా?
* చచ్చినపామును కొట్టడానికి అందరూ బంట్లే.
* చచ్చినపామును చావగొట్టినట్లు.
* చచ్చిన బిడ్డకు చారెడు కండ్లు.
* చచ్చిన మొగుడు చనుబాలు మీద, బతికిన మొగుడు మంచం మీద.
* చచ్చినవాడి కండ్లు పత్తికాయలంత.
* చచ్చినవాని కండ్లు చారెడేసి.
* చచ్చినవాడి తల తూర్పున ఉంటేనేమీ? పడమటనుంటే నేమి?
* చచ్చినవాని పెండ్లికి వచ్చిందే లాభం.
* చచ్చినవాని పెండ్లికి వచ్చినంతే కట్నం.
* చచ్చినవారు వత్తురే ఏడ్చినంత.
* చచ్చినా పైకం తప్పదు అచ్చమ్మా! ఇక తిట్టకు.
* చచ్చినోడి గద్ద తక్కెడో, బిక్కెడో.
* చచ్చినోడు చాటెడంత.
* చచ్చిపోయిన బఱ్ఱె పగిలిపోయిన ముంతెడు పాలిచ్చేది.
* చచ్చేకాలానికి సత్యభామ వేషం వేసినట్లు.
* చచ్చేటప్పుడు సంధ్య మంత్రమా?
* చచ్చేటప్పుడు సారె కావిళ్ళు.
* చచ్చేదాకా బ్రతికితే పెళ్ళిచేస్తానన్నట్లు.
* చచ్చెదాకా వైద్యుడు వదలడు, చచ్చినా పంచాగం బ్రాహ్మడు వదలడు.
* చచ్చే పెళ్ళాన్ని ' అమ్మా ' అంటే బ్రతుకుతుందా?
* చచ్చే రోగికి మందు పట్టదు.
* చచ్చేవానికి సముద్రం మోకాలిబంటి.
* చట్టిలోకి కూరాకు, ముడ్డిలోకి మేకు తెచ్చుకుంటేగానీ రావు.
* చట్టిలో ఉంటే అబకకు వస్తుంది (అబక=కొబ్బరి చిప్పతో చేసిన గరిట).
* చట్టుబొమ్మకు గిలిగింత పెట్టినట్లు.
* చట్రాతిన వార తీసినట్లు.
* చట్రాతిలో నీరు, చండాలవాటికలో బ్రాహ్మణగృహం ఉంటుందా?
* చతురతకు జాణగాడే కానీ, చేతిలో చిల్లిగవ్వ లేదు.
* చనవిచ్చిన ఆలి చంకకెక్కు.
* చదివింది, చదువనిది ఒకటిగా ఉండడమే పండితలక్షణం.
* చదివిన కూతలుంటే, ఉణ్ణీగానీ, సంచులుమాత్రం ముట్టవద్దు.
* చదివి నతని కంటే చాకలి సతిమేలు.
* చదివినవాడికన్నా చాకలివాడు మేలు.
* చదివేది రామాయణం, పడకొట్టేది దేవాలయం.
* చదవక ముందు కాకరకాయ, చదివిన వెనుక కీకరకాయ.
* చదివిన ముందు పెసలంటు, చదివిస్తే పిసలన్నట్లు.
* చదవక ముందు వరవర అంటే, చదివిన వెనుక వడవడ అన్నడట.
* చదువనేర్చిన ఆడవారితోనూ, వంటనేర్చిన మొగవారితోనూ ఓపలేము.
* చదువ నేర్తువా? వ్రాయనేర్తువా? అంటే, చదువ నేరను, చించ నేర్తును అన్నాడట.
* చదువరి మతికన్నా చాకలి మతి మేలి.
* చదువేస్తే ఉన్న మతి పోయినట్లు.
* చదువాలేదు మరువా లేదు.
* చదువుకున్న వాడికీ సేద్యగాడే అన్నం పెట్టవలె.
* చదువుకు ముదురు, సాముకు లేత.
* చదువుకోనన్నాళ్ళు పసులు పసులు అని, చదువుకొన్నాక పచులు పచులు అన్నాడట.
* చదువు, చన్ను విడిచి చన్ను పట్టుకునేలోపల రావాల.
* చదువు చారెడు, బలపాలు దోసెడు.
* చదువు మా ఇంట లేదు, సంధ్య మావంశాన లేదు.
* చదువురాని మొద్దు, కదలలేని ఎద్దు
* చదువుల చెట్టుకు వేళ్ళు చేదుగానీ పండ్లు తీపు.
* చదువు చదివెడి అయ్యలు పదవులు పొందంగలేరు.
* చదువు సంధ్య లేకుండా మాదిగ వెధవవుతున్నావన్నది విని, మాదిగ- అరె అత్తాలేకుండా బ్యామ్మణ గాడిద అవుతున్నా వన్నాడట.
* చదు సన్నమయ్యె, అయ్య లావాయె.
* చదువు లేదు సంధ్య లేదు, సంతానం మాత్రం మెండు.
* చద్ది కంటే ఊరగాయ ఘనం.
* చద్దికూడు తిన్నమ్మ మగని ఆకలెరుగదు.
* చద్ది తెచ్చుకున్న బ్రహ్మణుడా! భోజనం చెయ్యి.
* చద్ది నాకు పెట్టమ్మా, ఆకలికాకుండా నీకు మందిస్తా అన్నాడుట.
* చద్ది పురిసెడు, ఊరగాయ దోసెడు.
* చద్ది మూటలో సారం చాకలి ఎరుగును.
* చద్దెన్నం మీద వెన్న చంద్రుడౌతుందా?
* చన విస్తే చంక కెక్కినట్లు.
* చనువు చేసిన ఆలి చంక కెక్కు.
* చన్ను కుడిచి, రొమ్ము గ్రుద్దినట్లు.
* చన్ను, తోటకూరా చెయ్యి తగలనిదే పెరుగవు.
* చమురు దండుగ భాగవతం (భాగోతం).
* చమురు నష్టియే గానీ పిల్ల బ్రతుకదు.
* చమురున్న పెంకు ఎప్పుడూ పేలదు.
* చరిత్ర పునరావృత్తు నొందును.
* చరిత్ర వివేకులకు దారిచూపి, అవివేకులను వెంట ఈడ్చుకొనిపోవును.
* చలాకి లేకపోయినా సలాకిలా ఉండాలి.
* చలికి జడిసి కుంప టెత్తుకొన్నట్లు.
* చలిజ్వరము: అన్నంలో చెయ్యి తియ్య బుద్ధికాదు.
* చలి దూరందే బీర పూయదు.
* చలిబడనేల, సీతుగాయనేల?
* చలివేంద్ర కుండలకు తూట్లు పొడిచినట్లు.
* చల్లకుండకు, చంటిబిడ్డకు చాటుండాలి.
* చల్లకు వచ్చి ముంత దాచనేల?
* చల్లకేంగానీ, గొల్లది బాగుందన్నాడట.
* చల్లకు బాలును గలసిన చల్లకు దోడంటినట్లు.
* చళ్ళు చూచుకొని సంబరపడితే సరా? ముందరి పాటు చూసుకో అన్నాడట (ముడ్డిపడే పాటు చూసుకో).
* చళ్ళు జారిన ముండకు, వట్టలు జారిన విటకాడు.
* చవి ఎరిగిన కుక్క చావకొట్టినా పోదు.
* చవితి చంకనాకి నట్టే ఉంది ఏకాదశి అన్నాడట.
* చవిటి ఉప్పు కందచక్కెరవలేనున్నా, అనుభవసుఖం లేదు.
* చవిలేని కూడు కుడిచినట్లు.
* చవిసారం లేని కూర చట్టి నిండా, ఆంగంపాగంలేని మొగుడు మంచం నిండా.
* చవిసారం లేనివాడు సంచారంపోతే, ముసలినక్కలన్నీ గుసగుస లాడినవట.
* చవుక (చౌక) కొననివ్వదు, ప్రియం అమ్మనివ్వదు.
* చస్తానని చద్దెన్నం తింటే చల్లగా నిద్రవచ్చిందట.
* చస్తూ ఉంటే సంద్యమంత్రం చెప్పమన్నట్లు.
* చస్తే చచ్చాడుగానీ, చలిజ్వ్రం చప్పగా వదిలింది.
* చస్తేగానీ బఱ్ఱెపాడి బయటపడదు.
**********:: చా ::**********
* చాకలి అత్త, మంగలిమామ. కొడుకు సాలోడైతేనేమి? సాతానోడైతేనేమి?
* చాకలి కట్టని గుడ్డ, సైను ఎక్కని గుఱ్ఱము లేదు (సైను=గుఱ్ఱము కాపరి).
* చాకలి కొత్త, మంగలి పాత.
* చాకలి తెలుపు, మంగలి నునుపు తప్ప, అయ్యదగ్గర ఏమీలేదు.
* చాకలిదాని చక్కదనానికి సన్యాసులు గుద్దుకొని చచ్చారుట.
* చాకలిదానితో సహవాసం చేస్తే, గాడిద వచ్చి గర్వపడిందట.
* చాకలిది సందెఱుగదు, మాలది మంచమెఱుగదు.
* చాకలిని క్షవరం చెయ్యమంటే, చెక్కుతీసి చేతిలో పెట్టినాడట.
* చాకలిమంగలి పొత్తు, ఇంటికి రాదు విత్తు.
* చాకలివాడి భార్యకు మంగలివాడు విడాకులిచ్చినట్లు.
* చాకిరిచేసే చాకలికి లేదుగానీ, గొరిగే కొండయ్యకిస్తారు.
* చాకిరేవు ఒకచోట, ఏలపాట ఇంకొకచోట.
* చాటెడు తిని చెడితి, వాకిలిదాటి పడితి.
* చేదను చూచి బొక్కెనబాయిలో ఏసిందట.
* చాదస్తం అంటే, చెరిసగం అన్నట్లు.
* చాదస్తం మొగుడా, నీ చారెడు వేరే వండుకో అన్నట్లు.
* చాదస్తపు మొగుడు చెపితే వినడు, చెప్పకుంటే కరుస్తాడు.
* చాదస్తపు మొగుడు చెపితే వినడు, గిల్లితే ఏడుస్తాడు.
* చాదస్తపు మొగుడు చెపితే వినడు, కొడితే ఏడుస్తాడు.
* చాప చిరిగినా చదరంత కాదు.
* చామలి చల్లి చేనువిడవాల.
* చామచేలకు వరిగకు పోయినట్లు.
* చాలకపోతే బలాదూరు అన్నట్లు.
* చాలని బట్టకొంటే చినిగేవరకు దుఃఖము, చాలని మొగుని చేసుకుంటే చచ్చేవరకు దుఃఖము.
* చాలమ్మా ! నీ ఇరుస రాగుల గద్దె.
* చాలీచాలని దానికి చాకలి సంతు అన్నట్లు.
* చాలుపై చాలు ది=ఉన్నితే చచ్చుచేనైనా పండుతుంది.
* చాలులో చాలులేకపోతే నాపాలెక్కడికిపోతుంది?
* చావడిముందరి కొంప కదపాపుల్లకు సరి.
* చావతీరనంత పని అయినా చారెడూ గంజికి దోవలేదు.
* చావా చావడూ, చాపా ఇవ్వడు.
* చావాలని సన్యాసం తీసుకొంటే గంత బొంత గాడిదమోత అయినదట.
* చావుకంటే గండంలేదు, గోచికంటే దరిద్రం లేదు.
* చావుకబురు చల్లగా చెప్పమన్నారు.
* చావుకాలానికి సమర్త కట్నాలు.
* చావుకు చావు ఉన్నదా?
* చావుకు పెడితేగానీ లంఖణాలకు తేలదు.
* చావుకు ముదురు-లేత ఉన్నదా?
* చావుకు వెరచి చాటుకుపోతే, మిత్తి వచ్చి ముందర కూర్చున్నదట.
* చావుతప్పి కన్ను లొట్టపోయినట్లు.
**********:: చి ::**********
* చింతకాయల కాఙ్ఞగానీ, గ్రుక్కిళ్ళ కాఙ్ఞా?
* చింతకాయలు అమ్మేదానికి సిరిమానం వస్తే, ఆ వంకరటింకరవి ఏమికాయలు అన్నదట.
* చింతకాయలు ఎరుగని దొరసాని, చింతకాయలనుచూసి, కొడవళ్ళా అన్నదిట.
* చింతకాయలు తిన్ననోర కొఱ్ఱలు తిననగునా?
* చింతకాయలు బేరం చేస్తు, వంకరటింకర కాయలేమి అన్నట్లు.
* చింత చచ్చినా పులుపు చావలేదు.
* చింతజిక్కిన మనసు, అగ్గిపొంత వెన్న.
* చింతదూత తూతిందే అన్నదట ఒకతె, తూతేకాలం వస్తే తూతదా అన్నాడట ఇంకొకాయన. దొందూ దొందే అన్నాడట మూడో ఆయన.
* చింతపండితే, జీడి పండదు.
* చింతపండు అంటే, సొంతకుండ తెస్తాడు.
* చింత లేదు, చింతలేకపోతే పులుసు లేదు.
* చింతలేని అంబలి చారెడే చాలు.
* చింతలేనమ్మ సంతలో నిద్ర పోయిందట.
* చింతాకంత బంగారం- మెడచుట్టు తీగె కావాలన్నట్లు.
* చింత చిగిరింత ఏపు (చిగిరింత=ఒక విధమైన బీటిగడ్డి).
* చింతపులుసు కన్నా చిక్కగ, పచ్చిపులుసుకన్న పలుచగ.
* చింతలు పూస్తే సిరులు, మామిళ్ళు పూస్తే మరణాలు.
* చిక్కని పాలు మీగడలుండగ చీయను గంగాసాగర మేల? (గంగాసాగరం=కల్లు).
* చిక్కానికి చేరులు తీసినట్లు.
* చిక్కి చికిలించేకన్నా, వెళ్ళీ వెక్కిరించేది మేలు. (చికిలించు=చింతించు).
* చిక్కితే దొంగ, చిక్కకుంటే దొర.
* చిక్కిన తగువా? చిక్కని తగువా?
* చిక్కినవాడు సిగ్గెరుగడు, బలసినవాడు వావి ఎరుగడు.
* చిక్కిన సింహాన్ని బక్క కుక్క కూడా కఱుస్తుంది.
* చిక్కుడు గింజకు తన పాదే తెలియదు.
* చిక్కుడు తీగకు బీరకాయ కాస్తుందా?
* చిక్కుదీసి కొప్పు పెట్టినట్లయింది.
* చిక్కుల గుఱ్ఱానికి కక్కుల కళ్ళెము.
* చిగిరింత మొక్క చింతచెట్టుతో ఢీకొన్నదట.
* చిగిరించే కోరిక చేతిలో దాగదు.
* చిచ్చు అంటుకొంటే చేతులతో ఆపగలమా?
* చిచ్చు ఉఱుకంగబోతూ చీర సవరించుకొన్న దానివలె.
* చిచ్చుకు తోడు కరువలి.
* చిచ్చుగలవారి కోడలు చిత్రాంగి, బావిగలవారి కోడలు పనిమంతురాలు.
* చిచ్చుని ఒడిగట్టి తెచ్చినట్లు.
* చిచ్చుని కౌగిలించుకుంటే చిమిడించు.
* చిటికినవ్రేలు శ్రీపతి.
* చిటికలో పందిరి వేసినట్లు.
* చిట్టెడు నూనె తెచ్చి, చిన్నింట్లో దీపం, పెద్దింటిలో దీపం; వత్తికి, వదిన నెత్తికి; మంగలివాని కత్తికి, మాబావ జుత్తుకు.
* చితి చచ్చినవానిని, చింత బ్రతికినవానిని కాలుస్తుంది.
* చిత్తం చెప్పులమీద, ధ్యానం దేవునిమీద.
* చిత్తం మంచిదైతే, చేదూ (తీపు) మంచిదవుతుంది.
* చిత్తం శివుడిమీద, భక్తి చెప్పులమీద.
* చిత్తం శివుడిమీద, భక్తి పెరుమాళ్ళమీద.
* చిత్త ఎండకు పిట్టల తలలు పగులును.
* చిత్తకార్తె కుక్కల్లాగా.
* చిత్తకు చిఱుపొట్ట (వరి).
* చిత్త కురిస్తే చింతలు కాయును.
* చిత్త చిత్తగించి, స్వాతి చల్లచేసి, విశాఖ విసరకుంటే, అనూరాధలో అడిగినంత పండుతాను అన్నదట వరి.
* చిత్త చిత్తగించి, స్వాతి చల్లగా చూచి, విశాఖ విసరకుంటే, వీసానికి పుట్టెడు పండుతాను అన్నదట జొన్న.
* చిత్త చినుకు తన చిత్తమున్న చోట పడుతుంది.
* చిత్త జల్లు- చిత్త ఉబ్బ (ఉబ్బ=ఉక్క).
* చిత్త జల్లు-స్వాతి వాన.
* చిత్తరమైన మొగుడు ఉత్తరం వేస్తే, చింతలతోపులోకి వెళ్ళి చదివించుకొంటే ఇంకా చిత్తరంగా ఉందట.
* చిత్తరు చెడియుండ రొత్త ఒడలన్ చవిచేరునా?
* చిత్తరువునకు జీవం వచ్చినట్లు.
* చిత్తలో చల్లితే, చిట్టెడు కాపు.
* చిత్తలో చల్లితే చిత్తుగా పండును-ఉలవ.
* చిత్తలో పుట్టి స్వాతిలో చచ్చినట్లు.
* చిత్తశుద్ధికలిగి చేసిన పుణ్యంబు కొంచమైన నదియు కొదువకాదు.
* చిత్తశుద్ధిలేని శివపూజలేలరా?
* చిత్త స్వాతి సంధించినట్లు (ఎక్కువ వానలు).
* చిత్త స్వాతులు కురవకపోతే చీమకు కూడా నాంబ్రం.
* చిత్త స్వాతులు చిత్తగించి, విశాఖ ఒక విసరు విసరితే, మొదలు తంతే ఏడుగింజలు రాలతాయి.
* చిత్రం చూడండి చీమ గుడ్డు పెట్టింది; బూటకం చూడండి బురక గుడ్లు పెట్టింది (బురక=గువ్వజాతి పిట్ట).
* చిత్రప్రభందము లల్లగలిగినవాడే కవి, అనిలో నరుక గలిగినవాడే అవనీశుడు.
* చిత్రినెలలో దుక్కి, పుటం పెట్టిన (వేసిన) పుత్తడి (చిత్రి=చైత్రము).
* చిదంబర రహస్యం (ఆకాశలింగం, ఏమీ లేదని).
* చిదికి చిదికి చిన్నవాని పెండ్లి చేసేవఱకు, పెద్దవాని పెండ్లాము పెద్దలలోకి పోయిందట.
* చిన్న పేరి తాడు తెగితే పెద్దపేరి తాడు అప్పుడే తెగుతుంది (పేరి=తమిళంలో శివుడు).
* చినికి చినికి గాలివాన అయినట్లు.
* చినిగిన బట్ట బరువుకు వెరుస్తుందా?
* చినిగిన వానిదే చిరుగుతుంది గానీ, చాకలివాని కొడుకు చందమామ.
* చినుకులకు చెరువు నిండునా?
* చిన్నక్కను పెద్దక్కను, పెద్దక్కను చిన్నక్కను చేసినట్లు.
* చిన్న ఇల్లు కట్టుకొని పెద్ద కాపురం చేయవలె.
* చిన్నచేపను పెద్దచేప మింగితే, పెద్దచేపను బేస్తావాడు మింగుతాడు.
* చిన్ననాడులేవు, చంద్రశేఖరుడినాడు పోగులా?
* చిన్న నోటికి పెద్ద మాట.
* చిన్నన్న గుఱ్ఱం చిట్లికి పోయె, పెద్దన్న గుఱ్ఱం పెండ్లికి పోయే.
* చిన్నపామైనా పెద్ద కఱ్ఱతో కొట్టవలె.
* చిన్న పునర్వసు కార్తెలో చిట్టెడు విత్తితే గరిసెడు పండును.
* చిన్నపుల్లైనా పల్లుగుచ్చ పనికివస్తుంది.
* చిన్నప్పటినుంచి చింతకాయలు అమ్మి, ఆ వంకరటింకరకాయల పేరేమి రాజా? అన్నదిట.
* చిన్నమూ కావెలె, చిదరా కావలె, మేలిమీ కావలె, మెడా తిరుగవలె.
* చిన్నమ్మకు (పిన్నమ్మకు) మీసాలుంటే చిన్నాయన.
* చిన్నమ్మ సిందేస్తే, చీరదారి చీరది, సింగారందారి సింగారానిది.
* చిన్నమ్మ సింహద్వారాన్న వస్తే, పెద్దమ్మ పెరటిద్వారాన పోతుంది.
* చిన్న రాతితో ముడ్డీ తుడుచుకొని చేయ్యంతా పీయి చేసుకొన్నట్లు.
* చిన్నవాళ్ళు తింటే చిరుతిండి, పెద్దవాళ్ళు తింటే పలహారం.
* చిన్న నా పొట్టాకు శ్రీరామరక్ష.
* చిప్పతెచ్చుకోరా తిమ్మా అంటే, అట్లా చెప్పు మాయమ్మా అన్నాడట.
* చిమ(మ్మ)టను చీరేమి చేసింది? చీడపురుగును చేనేమి చేసింది?
* చిమ(మ్మ)ట సింగమా? గాజు రత్నమా?
* చిమడకే చినడకే ఓ చింతకాయ, నీవెంత చిమిడినా నీ పులుపు పోదు.
* చియ్యబువ్వ చీకులాట, గొల్లాడువస్తే గోగులాట.
* చియ్యోడొచ్చి, బువ్వోడిని తీసుకుపోయినట్లు.
* చిఱుతపులి కడుపున పెద్దపులి పుట్టినట్లు.
* చిలుంపట్టెవాడికి చిత్తం కుదరదు.
* చిలుంవదిలితేగానీ ఫలం దక్కదు.
* చిలుం వదిలితే చిద్రం (చిద్రం) వదులుతుంది.
* చిలుకకు చెక్కెర, చీమకు పంచదార.
* చిలుకకూన బ్రహ్మాస్త్రమునకు తగునా?
* చిలుక తనముద్దేకానీ ఎదుటిముద్దును కోరదు (ఎరుగదు).
* చిలుకని పెంచి బావురుగానికి అప్పచెప్పినట్లు.
* చిలుక పంజరంలో గూబను పెట్టిన ఉలుకు గానీ పలుకునా?
* చిలుకబోయిన పంజరమేమి చేయును?
* చిలుక ముక్కున దొండపండు ఉన్నట్లు.
* చిల్లర దేవతలకు మొక్కి, చిత్తం చెడగొట్టుకొన్నట్లు.
* చిల్లర శ్రీమహాలక్ష్మి.
* చిల్లి పేరే తూటు.
* చిల్లి బాగాలేదని బెజ్జం వేసాడట.
* చివికు పోవ, చేప దొరికినట్లు.
**********:: చీ ::**********
* చీకటింటికి పోతే సిగ్గాయితది అంటే, అట్లయితే సంసార మెట్లయితది? అన్నాడట.
* చీకటింట్లో సివాలాడినట్లు.
* చీకటి కొన్నాళ్ళు, వెన్నెల కొన్నాళ్ళు.
* చీకటి తన నల్లదుప్పటితో అందరినీ సమానంగా కప్పును.
* చీకటిలోనే తాంబూలం.
* చీకటి లేకుంటే దీప మేమిటికి?
* చీకితే లేనిది నాకితే వస్తుందా?
* చీడ అంటుతుందేకానీ, సిరి అంటదు.
* చీడ సిగ్గెరుగదు.
* చీదితే ఊడేముక్కు ఎన్నాళ్ళు నిలుస్తుంది? (ఉంటుంది?)
* చీద్రానికి చీరపేలు, దరిద్రానికి తలపేలు.
* చీపురుకట్టకు పట్టుకుచ్చు కట్టినట్లు.
* చీపురుకట్టకు సిరివస్తే, కోడిఈక గొడుగుపట్టెనట.
* చీమ ఒళ్ళు చీమకు బరువు, ఏనుగు ఒళ్ళు ఏనుగకు బరువు.
* చీమలు చెట్టెక్కితే, భూములు పండును (వానలుపడును).
* చీమరు పాకిన రాళ్ళు అరుగునా?
* చీమలు పెట్టిన పుట్టలు పాముల కిరవగును.
* చీర కట్టినమ్మ శృంగారం చూడు, గుడ్డకట్టినమ్మ కులుకు చూడు.
* చీరకు కండె మొదలు, చిన్నవాడికి ఉపనయనం మొదలు.
* చీరకట్టినమ్మ సింగారం ఏమి చూస్తావు? ఏలికలు కట్టినమ్మ ఎగిరింతలు చూడు.
* చీర చిత్తారు, రవిక జల్తారు.
* చీర చిరుగును, పయ్య పెరుగును.
* చీరపేల బొంత ఎప్పుడైనా కాలవేసేదే.
* చీరపోగా నాకో మొగుడు.
* చీరపోతుకు సిరివస్తే, గోలకొండకాడికి గొడుగు తెమ్మన్నదట.
* చీరపోతు లేరివేయటంకన్నా, బొంతను కాల్చివేయటం నిమ్మళం (మేలు).
* చీర సింగారించేప్పటికి, పట్నమంతా చూర (కొల్ల) పోయిందట.
* చీర సింగారించేప్పటికి, ఊరు మాటుమణిగింది.
* చీరే స్త్రీకి శృంగారం.
* చీలమడిమలదాకా చీర ఉంటే, మోకాలుదాకా సిరి ఉంటుందనుకొన్నట్లు.
**********:: చు ::**********
* చుక్కలూళ్ళో చక్కిలాలు.
* చుట్టం ఆకలి మంచాని కెరుక.
* చుట్టంగా వచ్చి దెయ్యమై పట్టుకొన్నాడట.
* చుట్టకాలిస్తే మాట్లాడనీయదు.
* చుట్టం వచ్చాడంటే, చెప్పులు ఎక్కడవదిలాడో చూసిరా అన్నట్లు.
* చుట్టతాగి చూరులో పెడితే ఇల్లుకాలి వెళ్ళవలసి వచ్చిందట.
* చుట్టము చేప మూన్నాళ్ళకు మురుగుకంపు కొట్టును.
* చుట్టమై చూడవస్తే దెయ్యమై పట్తుకున్నాడట.
* చుట్టరికం, పేరంటం కలిసివచ్చినట్లు.
* చుట్టాలకు పెట్టినిల్లు చూఱపోయింది, వేల్పులకు పెట్టినిల్లు హెచ్చిపోయింది.
* చుట్టు అయినా మెట్టదారి మేలు. (దారిన పొమ్మన్నారు).
* చుట్టు అయినా సుఖంగా పొయేదిమేలు.
* చుట్టు అయినా సుళువుదారి మేలు.
* చుట్టుకపోయే చాప, మూసుకుపోయే తలుపు, అలిగిపోయే పెండ్లాము.
* చుట్టుడు చాప, విసురుడు తలుపు, పెడసరపు పెండ్లాము.
* చుట్టూ చూరుమంగళం, నడుమ జయమంగళం.
* చుట్టూరా శ్రీవైష్ణవులే, చూస్తే కల్లుకుండ లేదు.
**********:: చూ ::**********
* చూచింది పాము, కఱచింది మామిడిటెంక.
* చూచిందెల్లా సుంకము, పాసిందెల్లా పంకము.
* చూచిగానీ తాగవలదు, చదివిగానీ వ్రాలుంచవలదు.
* చూచినమ్మ కళ్ళు శూలాలు, మా అమ్మ కళ్ళు పేలాలు.
* చూచి మురుసుకొని, చెప్పి ఏడ్చుకొని.
* చూచిరమ్మంటే కాల్చివచ్చినాడట.
* చూచిరమ్మంటే పెండ్లాడి వచ్చినట్లు.
* చూచేవారుంటే సొమ్ములు పెట్టాలి, చేసే వారుంటే పిల్లలు కనాలి.
* చూడగా చుట్టము లేడు, మ్రొక్కగా దైవము లేడు.
* చూడగా చూడగా గుఱ్ఱం గాడిద అయిందట.
* చూడను చుంచెలుక, గోడలు తవ్వను పందికొక్కు.
* చూడబోతే చుట్టాలు, రమ్మంటే కోపాలు.
* చూడబోతే చుండెలుక (చుంచెలుక) తెంచేదేమో తోలుమోకులు.
* చూడబోతే వెండిగిన్నె, తాగబోతే వెలితిగిన్నె.
* చూడవచ్చిన వారికి శుక్రవారమేమి?
* చూడవమ్మా సుతారాం! ఇంటావిడ అవతారం.
* చూపనిదే చూపెనయ్య నూరవరాజా.
* చూపితే మానం పోయె, చూపకపోతే ప్రాణం పోయె.
* చూపులకు గుఱ్ఱమే కానీ, మఱుకుతనం లేదు (చుఱుకుతనానికి గాడిద).
* చూపులకి చుంచు, పనికి పర్వతం.
* చూపులకు మొగుడే కానీ సుఖానికి మొగుడు కాదు.
* చూపుల పసేగానీ చేపుల పస లేదు.
* చూరులో నిప్పు పెట్టి, కొప్పులో పెట్టనా అన్నట్లు.
* చూస్తూ ఊరకుంటే, మేస్తూ పోయిందట.
* చూస్తే చుక్క, లేస్తే కుక్క.
* చూస్తే నీది, చూడకుంటే నాది.
* చూస్తే పొరపాటు, చూడకుంటే సాపాటు.
* చూస్తే సుంకం, చూడకుంటే బింకం.
* చూస్తే సూది మాదిరి ఉంది, లేస్తే గాలి మాదిరి ఉంది.
* చూపులకు గుర్రమేగానీ, చురుకుదనానికి దున్న.
* చూరుకత్తి తెగుతుందిగానీ, చూపుడుకత్తి తెగుతుందా?
**********:: చె ::**********
* చెంత దీపమిడక చీకటి పోవునా?
* చెంపలు నెరసిన వెనుక, చామ (చాన) పతివ్రత.
* చెంబు అమ్మి తప్పేలా, తప్పేలా అమ్మి చెంబు.
* చెంబు ఎక్కడపెట్టి మరచిపోయినావురా? అంటే నీళ్ళచాయ (చెంబట్లకు) కూర్చున్న చోటికి ఇటు అన్నాడు; నీళ్ళచాయ ఎక్కడ కూర్చున్నావంటే, చెంబుబెట్టిన దానికి అటు అన్నాడట.
* చెంబు కంచం పోతే, ముఖంమీద కొట్టినట్లు ముంత మూకుడు తెచ్చుకోలేదా?
* చెట్టబట్టని నా భీతి, బొట్టు గట్టని కన్య రీతి.
* చెట్టడిచిన చేటెడన్ని, నిటలాంబక మూర్తులు (లింగాలనుట).
* చెట్టుఎక్కి, కాయపట్టిచూచి, దిగివచ్చి రాళ్ళు రువ్వినట్లు.
* చెట్టుఎక్కేవానికి ఎంతదాకా ఎక్కుడు పెట్టగలము?
* చెట్టు ఎక్కిందని నిచ్చన తీసినట్లు.
* చెట్టు ఎక్కేవాడిని ఎంతదాకా తొయ్యగలము?
* చెట్టుకు (మానుకు) కరువు, కోమటికి బరువు లేవు.
* చెట్టుకు చావ నలుపు, మనిషికి చావ తెలుపు.
* చెట్టుకు తగినగాలి (ఎంతచెట్టో అంత గాలి).
* చెట్టుకు పుట్టకు వరుసగానీ, మనిషికేమి వరుసరా మాల నాయాలా?
* చెట్టుకు మడిగుడ్డ కట్టి ఉన్నదిలే, దొంగ చెట్టెక్కడు అన్నదిట సోమిదేవమ్మ.
* చెట్టుకు విస్తళ్ళు కట్టినట్లు.
* చెట్టు చచ్చినా చేప చావదు.
* చెట్టు చెడేకాలానికి కుమ్మమూతి పిందెలు పుట్టును.
* చెట్టునరికి పండ్లు దానము చేయగానే సుకృతి అగునా?
* చెట్టుపెట్టి నాటినవాడు నీళ్ళు పోయడా?
* చెట్టు నాటే దొకడు, ఫలమనుభవించే దొకడు.
* చెట్టు నీడకు పోతే కొమ్మ విరిగి పడ్డట్లు.
* చెట్టును తేరా అంటే గుట్టను తెచ్చినట్లు.
* చెట్టుపట్టించి చేతులు వదిలినట్లు.
* చెట్టు పెరగటం మొదలు నరుకుడికే.
* చెట్టు పేరు చెప్పుకొని కాయలు అమ్ముకొన్నట్లు.
* చెట్టును బట్టే కాయ.
* చెట్టుమీదనుండి పడ్డవానికి గాయాలెన్నేమిటి?
* చెట్టుమీదిది చేతికి వచ్చినట్టెగానీ, ఇక తొమ్మిదయితే పదవుతాయి.
* చెట్టుమీది వాడు జుట్టుమీదికెక్కె.
* చెట్టుమీది విరులైనా చేతుల కోయక రావు.
* చెట్టులేని చేను, చుట్టము లేని ఊరు.
* చెట్టులేని చోట ఆముదము చెట్టే మహావృక్షము.
* చెట్టు ముదరనిచ్చి చిదిమిన పోవునా?
* చెట్టు మొండి ఐతే చేరికలో వాన.
* చెట్టెక్కి చేతులు విడిచినట్లు.
* చెట్టెఱుగువానికి ఆకులు చిదుమనేల?
* చెడదున్ని సెనగలు చల్లమన్నారు.
* చెడిందిరా పిల్ల అంటే, చేరిందిరా తెనాలి అన్నట్లు.
* చెడి కాపు పొరుగు చేరు, బ్రతికి కమ్మ పొరుగు చేరు.
* చెడి చెన్నపట్నం చేరు.
* చెడిన కాపురానికి ముప్పేమిటి చంద్రవంకలు వండే పెళ్ళామా? అంటే, అయిన అప్పుకి అంతేమిటి? అవే వండుతాను మగడా! అన్నదిట.
* చెడిన చేను చెరుకు, రాజనాలు పండునా?
* చెడిన చేనుకు ఇంటివడ్లు పొంగలా?
* చెడిన చేలుకి ముప్పేమిటి, మొండికాలికి చెప్పేమిటి?
* చెడిన శ్రాద్ధం చెడనే చెడ్డది, పిత్తరా పీట పగుల.
* చెడినా పడినా చేసుకున్న మొగుడు తప్పడు.
* చెడినా సెట్టి సెట్టే, చిరిగినా పట్టు పట్టే.
* చెడిపోయిన బ్రహ్మణుడికి చచ్చిపోయిన ఆవు దానం.
* చెడిపోయెపో గుడిపాడని కోడలంటే, పచ్చరాగులపాడు పాడు పాడాయెపో అన్నదట అత్త.
* చెడి బతికినమ్మ చేతులు చూడు, బతికి చెడ్డమ్మ చెవులు చూడు.
* చెడి బ్రతికినవాడికి శౌర్యమెక్కువ, బ్రతికి చెడినవాదికి బదవలు ఎక్కువ.
* చెడి బ్రతికిన వాని చెంపలు చూడు, బ్రతికి చెడినవాని బట్టలు చూడు.
* చెడి స్నేహితునింటికి పోవచ్చునుకానీ, చుట్టాలింటికి (చెల్లెలింటికి) పోరాదు.
* చెడుకాలానికి చెడు బుద్ధులు.
* చెడుకాలమైన ఎవ్వరి దెస నే వికారము వచ్చునో?
* చెడు చెడు అనగానే చెడేవారు లేరు.
* చెడు చెడు మనేవారేగానీ, చేతిలో పెట్టేవారే లేరు.
* చెడ్డచేనుకు ఇన్ని మంచెలా?
* చెడ్డచేనుకు ఇంట్లో పొంగళ్ళా?
* చెడ్డసొమ్ము చెరి సొగం.
* చెడ్డాపడ్డా చేబ్రోలే గతి.
* చెడ్డాపడ్డా శ్రీకాకుళమే గతి.
* చెదలుకాళ్ళవాడు క్షణ మొకచోట నిలువడు.
* చెన్నంపల్లి పంచాయతి చెరిసొగం.
* చెప్పంత పొలం చెప్పినట్లు కొనాలి.
* చెప్పకపోయినా దుప్పికొమ్ముల ఎద్దునే కొను.
* చెప్పటం తేలిక, చెయ్యటం కష్టం.
* చెప్పనేర్చిన మాట సెబాస్ మాట.
* చెప్పింది చేయబోకురా! చేసేది చెప్పబోకురా.
* చెప్పి చెప్పి చెప్పుతో కొట్టించుకో, మళ్ళీ వచ్చి మాతో తన్నించుకో.
* చెపితే పాపంగానీ, తిరగేసి పొడిస్తే చస్తుంది అన్నట్లు.
* చెపితే సిగ్గు దాస్తే దుఃఖం.
* చెప్పినంత చేసేవారు శివుడికన్నా లేరు.
* చెప్పిన కొద్ది చెవుడు పడిపోతారు.
* చెప్పిన బుద్ధి, కట్టిన సద్ది ఎంతకాలం నిలుచును?
* చెప్పిన మాట విని వచ్చేవాడిని చెవు బట్టుకొని లాక్కొచ్చి, ఎదురు తిరిగిన వాడికి సాక్ష్యం బెట్టి వచ్చినా.
* చెప్పుకాలు నెత్తిన బెట్టి శఠగోపుర మంటాడు.
* చెప్పు కింద తేలువలె.
* చెప్పు కొరికినామని సిద్ది కొరుకుతామా?
* చెప్పటం కంటే చెయ్యటం మేలు.
* చెప్పుడూ మాటలకన్నా తప్పుడు మాటలు నయం.
* చెప్పుతో కొట్టి శఠగోపం పెట్టినట్లు.
* చెప్పు తినెడి కుక్క చెఱుకు తీపెరుగునా?
* చెప్పు పట్టుగుడ్డలో చుట్టి కొట్టినట్లు.
* చెప్పులవానికి చేనంతా తోలుతో కప్పినట్లుంటుంది.
* చెప్పులు ఉన్నవాడితోనూ, అప్పులున్నవాడితోనూ పోరాదు.
* చెప్పులు చిన్నవని కాలు తెగకోసుకుంటారా?
* చెప్పులు ఉన్నా, చెప్పులు తెగినా చుట్ట(ట్టి)రికం తప్పదు.
* చెప్పులోని రాయి- చెవిలోని జోరీగ-ఇంటిలోని పోరు.
* చెప్పుడుమాటలు చేటు.
* చెప్పేది చెవిదగ్గఱ, వినేది రోటిదగ్గఱ.
* చెప్పేవానికి చేదస్తమయితే, వినేవానికి వివేకం వద్దా?
* చెప్పేవానికి వినేవాడు లోకువ.
* చెప్పేవి నీతులు, చేసేవి గోతులు.
* చెప్పేవి శ్రీరంగనీతులు, దూరేవి దొమ్మరి గుడిసెలు.
* చెయ్యగానని వారికి నీతులు మెండు, చెల్లని రూపాయికి గీతలు మెండు.
* చెయ్యా పెట్టాలేనాతడికి దిశ పన్నెండామడ.
* చెయ్యి అలసిన వేళ తెప్ప దొరికినరీతి (ఈది అలసినప్పుడు).
* చెయ్యి కాలినప్పుడల్లా కుండ వదిలిపెడతామా?
* చెయ్యిచూపి అవలక్షణ మనిపించుకొన్నట్లు.
* చెయ్యి దాచుకుంటాము గాని, కులం దాచుకుంటామా?
* చెయ్యి పుచ్చుకుని లాగితే రాలేదుగానీ, ఇంటికి చీటీ వ్రాసాడుట.
* చెరు(ఱు)కా ! బెల్లం (పెట్టు) అంటే పెడుతుందా?
* చెరుకు అని వేళ్ళతో పెరకకూడదు.
* చెరుకు ఉండేచోటుకి చీమలు తామే వస్తవి.
* చెరుకుకు చెఱువు సూలంగి.
* చెరుకు కొనఏమి, మొదలేమి?
* చెరుకు తియ్యనని వేళ్ళతో గూడా తిన్నట్లు.
* చెరుకుతోటలో ఏనుగు పడినట్లు.
* చెరుకు నమలడానికి కూలీ అడిగినట్లు.
* చెరుకు పిప్పికి ఈగలు మూగినట్లు.
* చెరుకు వంకరబోతే, తీపి చెడుతుందా?
* చెఱకుతోటలోన చెత్తకుప్పుండిన కొంచమైన దాని గుణము చెడదు.
* చెఱకుదిన్న నోరు చేదారగించునా?
* చెఱకురసము కన్న చెలిమాట తీపురా.
* చెఱకువిల్తుడు విరహిణులపాలిటి పచ్చితురక.
* చెఱపకురా చెడేవు, ఉరకకురా పడేవు.
* చెఱపటానికి చేట పెయ్య చాలును.
* చెఱపటానికి చేతులు వస్తాయిగానీ, నిలవడానికి మతులు రావు.
* చెఱువు ఎండితే చేపలు బయటపడతాయి.
* చెఱువు ఎండిపోయి, చేను బీడైతే కరణం పెండ్లానికి కాసులదండట.
* చెఱువు వోడు, ఊరు పాడు.
* చెఱువుకు చేరువగానూ, చుట్టాలకు దూరముగాను ఉండవలె.
* చెఱువుకు నీటి ఆశ, నీటికి చెఱువు ఆశ.
* చెఱువు తెగగొట్టి చేపలు వండిపెట్టాగానే మాన్యుడగునా?
* చెఱువు నిండితే కప్పలు చేరవా?
* చెఱువును చూడబోయిన తూటితీగ (తూడు) తిరిగివచ్చునా?
* చెఱువును మూకుడుతో మూయనగునా?
* చెఱువును విడిచి కాలువను పొగిడినట్లు.
* చెఱువును విడిచి వరవను పొగిడినట్లు.
* చెఱువు మీద అలిగి ముడ్డి కడుక్కోకుండా పోయినట్లు.
* చెఱువు మీద కొంగ అలిగినట్లు.
* చెఱువు ముందు చలివేంద్రమా?
* చెఱువులు తెంచి, చేపలు వండినట్లు.
* చెఱువులో ఉన్న బఱ్ఱెను, కొమ్ములుజూచి బేరం చేసినట్లు.
* చెలమకు పిట్టలు చేరినట్లు.
* చెలిమాత చెఱకు ఊట.
* చెలిమిని చేదు తినిపించవచ్చు గానీ, బలిమిని పాలు త్రాగించలేము.
* చెల్లని కాసుకు గరుకులు (గీతలు) మెండు.
* చెల్లని కాసు-వ(వొ)ల్లని మొగుడు.
* చెల్లని దాన్ని చేనుకాడ పెడితే, అయినకంకులన్నీ అమ్మగారింటికి పంపింది.
* చెల్లీ చెల్లడములకు (పుట్టచాటున) సెట్టిగారున్నారు (దారిదోపుడుగాండ్రతో).
* చెల్లెలి మగని చూచుకొని చెయ్యి విఱుగ బడ్డదట.
* చెల్లెలి వరుస చెడి చేసుకోవాలి, తల్లి వరుస తప్పి చేసుకోవాలి.
* చెవికోసిన మేక, కరివేపాకు కోసే ఎరుకలవాడు ఊరకుండరు.
* చెవికోసిన మేకవలే అరుస్తాడు.
* చెవిటి చెన్నప్పా! అంటే సెనగల మల్లప్పా అన్నాడట.
* చెవిటి చెన్నారమా? అంటే చెనిగలు పదకొండు అందిట.
* చెవిటిదానా సేసలు పట్టమంటే- బియ్యం తినిఉంటే అశుద్ధం తిన్నట్లే అన్నదట.
* చెవిటి పెద్దమ్మా! చేంతాడు తేవే అంటే, చెవులపోగులు నా జన్మలో ఎఱుగనన్నదట.
* చెవిటివానికి శంఖమూదినట్లు, మూగవానికి ముక్కు గీరుకున్నట్లు.
* చెవిటివాని ఎదుట శంఖం ఊదితే, అది కొరకటానికి నీ తండ్రి తాతల తరము కాదన్నాడట.
* చెవిలో చెప్పిన మాట గానీ, అరచి చెప్పినమాట గానీ వినదగియుండవు.
* చెవిటివానికి వినిపించాలంటే శంఖచక్రాలవాడు దిగిరావాలి.
* చెవిదగ్గర కందురీగ (కంతిరీగ) వలె.
* చెవుడు, చెవుడూ అంటే, తవుడు తవుడూ అన్నట్లు.
* చెవులు కోసుకు పోతుంటే, కుట్టుకాడలకు ఏడ్చినట్లు.
* చెవులపిల్లి ఎదురైతే చేటు వస్తుంది.
* చెవులో గుమి(బి)లికి ఏపుల్ల ఐతేనేమి గెలుక్కోను.
* చెవ్వాకు పోయినమ్మకు దుఃఖమూలేదు, దొరికినమ్మకు సంతోషమూ లేదు.
**********:: చే ::**********
* చేటను కొట్టి పిల్లిని బెదరించినట్లు.
* చేటభారతము - కంప రామాయణము.
* చేటలో వెలగకాయల వలె.
* చేటు ఎరుగని చేడె మొగుడికి పెళ్ళి చేసిందట.
* చేటుకాలమయిన చెరువ నల్పుడే చాలు.
* చేటుకాలానికి చెడ్డ బుద్ధులు.
* చేటు మూడినప్పుడు మాటలు దోపవు.
* చేటూ పాటూ ఎఱుగనమ్మ ఇల్లెక్కి పిండి కొట్టిందట.
* చేటూ పాటూ ఎఱుగనమ్మ మగని పెళ్ళి కెళ్ళిందట.
* చేటెడు తిని చెడితి, వాకిలి దాటి పడితి.
* చేతకానమ్మకు చేష్టలు మెండు, చెల్లని రూకకు గీతలు మెండు.
* చేతకానమ్మకు శౌర్యమెక్కువ.
* చేతనైన మగోడు (మగవాడు) చాలాపొద్దున లేచి ఊడ్చుకొని చల్లుకొని ఇంకొకచోట వండుకొన్నాడట.
* చేత వెన్నయుండ నేతికేడ్చెడి వారె.
* చేతికలుపు - వైద్యునిచేతి తళుకు.
* చేతికి అందినది వాతి కందదు.
* చేతికి దొరికిన రత్నం నాచుక పోయినట్లు.
* చేతికిబట్టిన జిడ్డు లెక్కకు రాదు.
* చేతిచమురు భాగవతం చెప్పుకొన్నట్లు.
* చేతిమల్లెపూవు గుండ్రాతికి ఓర్వజాలునా?
* చేతిలో ఉంటే అర్ధం, చేరువలో ఉంటే పెళ్ళాం.
* చేతిలో కఱ్ఱ చేదోడు, వాదోడు.
* చేతిలోది లేత, చేలోది ముదురు.
* చేతిలోని అన్నం చెరువులోకి విసిరి, చెయ్యినాకి చెరువు నీళ్ళు తాగినట్లు.
* చేతిలో లేనిది చేలోకి ఎలావస్తుంది?
* చేతిలో వెన్న పెట్టుకొని నెయ్యికోసం ఊరంతా వెతికినట్లు.
* చేతివేళ్ళు అయిదు ఒకరీతిగా ఉంటాయా?
* చేతిసొమ్ము ఇచ్చి చెప్పుతో కొట్టించుకొన్నట్లు.
* చేతులు కాలిన తరువాత ఆకులు పట్టుకొన్నట్లు.
* చేతులు చెయ్యవు, నోరుతినదు.
* చేతులు పొడుగని మూతులు పొడుస్తారా?
* చేదతాడు (చేంతాడు) కురుచైతే బావి పూడ్చుకుంటారా?
* చేదు తింటారా? చెట్టు కొడతారా?
* చేనికి ఎరువు, మడికి మంద.
* చేనికి గట్టు, ఊరికి కట్టు ఉండాలి.
* చేసినపాపం గోచీలో పెట్టుకొని కాశీకి పోయి హరహరా అన్నాడుట.
* చేసినపాపం చెపితే తీరుతుంది.
* చేసినపాపం చెఱగున కాశీకిపోతే కడతేరుతుందా?
* చేసిన పాపాలకు, పెట్టిన దీపాలకు సరి.
* చేసినమ్మ చేవ, చేయనమ్మ చెదలు.
* చేసినవాడు (చేసినోడు) చేసిపోగా, నిలుచున్నోడికి నీళ్ళు కారిపోయినట్లు.
* చేసినవారికి చేసినంత మహదేవ!
* చేసిపోయిన కాపురం చూసిపోను వచ్చినట్లు.
* చేసుకున్న కర్మమోయి శంభులింగమా! అంటే, అనుభవించక తీరదోయి అబ్బులింగమా! అన్నాడట.
* చేసుకున్న తరవాత వండిపెట్టక తప్పుతుందా?
* చేసుకున్నదానుకి మూసుకోను లేదు, ఉంచుకున్నదానికి ఉభయరాగాల చీర.
* చేసుకున్న కడుపు దించుకోక తప్పదు.
* చేసేది బీద కాపురం, వచ్చేవి రాజభోగాలు.
* చేసేది శివపూజ, కుడిచేది మాలకూడు.
* చేసేది శివపూజ, దూరేది దొమ్మరి గుడిసె.
* చేసేపని వదలి నేసేవాని వెంట పోయినట్లు.
* చేసేవి నాయకాలు, అడిగేవి తిరిపాలు, పెట్టకుంటే కోపాలు.
* చేసేవి మాఘస్నానాలు, దూరేవి దొమ్మరి గుడిసెలు.
* చేసేవి లోపాలు, చెపితే కోపాలు.
* చేసేవి శివపూజలు, చెప్పేవి అబద్ధాలు.
**********:: చై ::**********
* చైత్ర వైశాఖలలో పెండ్లి కావిళ్ళు (సారెకావిళ్ళు), శ్రావణ భాద్రపదాలలో దినం కావిళ్ళు.
**********:: చొ ::**********
* చొప్పవామిలో నిప్పు దాచుకొన్నాట్లు.
* చొల్లంగి తీర్ధానికి చోడిగింజలంతేసి (మామిడిపిందెలు).
**********:: చో ::**********
* చోటే లేదంటే మూల ఎక్కడ వెదుకుదును అన్నాడట.
* చోద్యం సొరకాయ గుడ్డు పెట్టిందట.
* చోద్యాల సోమిదేవమ్మకు వాద్యారి మొగుడు.
* చోళ్ళు చల్లితే జొన్నలు పండునా?
* చోళ్ళు విసరే తిరగలి, జొన్నలు విసరునా?
* చోళ్ళు విసరే తిరగలి ఆళ్ళు విసరునా?
**********:: చౌ ::**********
* చౌక దూబరతిండికి కారణం.
* చౌటినేల వల్ల జలమెల్ల చెడిపోయె.
* చౌడోలు గాడిదపై గట్టినట్లు.
* చౌదంతి నెక్కగానే చక్రవర్తి అగునా?
**********:: ఛీ ::**********
* ఛీ! కుక్కా అంటే, ఏమక్కా ! అన్నదట.
* ఛీ! ఛీ! అనేదీ ఈ నోరే, శివశివా అనేదీ ఈ నోరే.
No comments:
Post a Comment